«U Šabanach niama p’ianych ludziej, tamu što ŭsie buchajuć na inšych rajonach». Praviły žyćcia minskich kvartałaŭ
aściarožna: svojeasablivy humar!
Bolš za 200 minčukoŭ užo ŭziali ŭdzieł u stvareńni paŭsur’ioznaha hidu pa stalicy. Dla hetaj spravy navat stvaryli asobny sajt — newminsk.by. Tut luby moža raspavieści cikavostki pra svoj rajon i dapamahčy skłaści anłajn-instrukcyju, pa iakoj kožny zmoža lohka i zajmalna vyvučać unutranaje žyćcio haradskich kvartałaŭ.
28.06.2017 / 17:05
Duch minskich vulic.
Aŭtary prajekta chočuć sabrać nie mienš za tysiaču łakalnych bajek ci partretaŭ typovaha žychara minskich rajonaŭ.
Šabany
Šabany.
Adziny pracujučy lichtar u Zavodskim rajonie horada vyratavaŭ bolš ludziej, čym usia milicyja horada ahułam. Vola
Pra isnavańnie milicyi ŭ Šabanach možna zdahadacca, tolki ŭbačyŭšy ich pastarunak. Kali vy ŭbačyli milicyjanta na vulicy, to chutčej za ŭsio adbyłasia niejkaja raźnia ci inšaja dzič. Vadas
Voś usie kažuć, što Šabany — samy stromny rajon. Ale niapraŭda ŭsio heta. Voś niadaŭna byŭ tam: ničo tak, novaja kurtka i mabilny. Bib
U Šabanach niama p’ianych ludziej, tamu što ŭsie buchajuć na inšych rajonach. Vadas
Nie pi z-pad kranu — kaźlaniatam zrobišsia. Alena Ja
Čyžoŭka
— Ja z Čyžoŭki.
— Aioj, čaho ž pahražać adrazu?
Arciom
U kinateatry «Družba» pakazvajuć tolki adzin film — «Apakalipsis siońnia». Alaksiej
— Złamaŭ ruku ŭ dvuch miescach…
— Oho! Dzie?
— U Čyžoŭcy i Sierabrancy.
Siuzana
Kožny žychar Čyžoŭki maje prava pakinuć sochnuć na vulicy śviežavymyty dyvan. Voś tolki lepš nie adychodzić ad jaho na pakuryć, inakš nie budzie bolš u vas dyvana. Volha
Chočaš kulturna adpačyć viečarkom u piatnicu, ale nadvor’ie nie vielmi, altanka, abmatanaja plonkaj suprać luboha źniešniaha ŭździeiańnia, čakaje ciabie! Śniežań
Łošyca
Łošyca.
U Łošycy-2 isnuje lehienda, što niedzie pobač jość park. Vizi
Kožnuju ranicu zmožaš pračynacca pad «ržańnie» koniej pad voknami! Ampier
Kali bačycie, jak nasuprać «Hipa» pasucca koni, značyć, vy amal dasiahnuli 37-j palikliniki. Dar’ia
Možna dajechać da pracy na elektryčcy. Nu albo pieradumać i adrazu na lecišča. Aryna
U Łošycy navat hałuby nie śmieciać — ich niama. Aryna
Kamaroŭka
Letam budźcie ŭvažlivymi, nie budzicie ŭ dvarach kamaroŭskich hruzčykaŭ. Jany prosta vielmi stamilisia. Jkbandit
Kamary — daj pa manietcy ŭsim paprašajkam i stanavisia z kraju nastupnym. Shatenka
Kali idziacie pa płoščy pierad Kamaroŭkaj, sypcie siemačkami i budziecie ptušynym uładarom. Mikita Łahavy
19-y abo «Dzieviatnaryk» — hałoŭny aŭtobus, jaki jeździć mima Kamaroŭki. I tak, jon nikoli nie byvaje z harmonikam. Ni-ko-li. Tak što nabiarysia ciarpieńnia, kali budzieš jechać na im u hadzinu-pik. Eni
Žychary Kamaroŭki pabłažliva ŭśmichajucca, kali čujuć pra tusovačnuju vulicu niedzie pa-za Manietkaj. Alaksiej Vizi
Duch minskich vulic.
Novaja Baravaja
Nie apuskajsia da Hienadzia. Zastavajsia čałaviekam! S. I.
Kožny maje prava być Hienadziem. I heta narmalna. Jahor
Kali nie viedaješ, chto taki Hienadź, lepš navat nie prychodzić. Jula
Zialony Łuh
U nas na Zialonym Łuzie navat bamžy i ałkašy lampavyja [dla tych, chto nie ŭ temie, — «miłyja» — NN]. A bližej da tramvajnych šlachoŭ uvohule samyja dalikatnyja ludzi ŭ śviecie. Arciom
Dla tych, chto žyvie ŭ panelcy. Kali nočču nie čuješ chrap susieda, schadzi i pravier, ci nie pamior. Maksim
Ty asablivy! Dla pradavački z «Jeŭraopta», kali siarod tvaich pakupak niama pivasika. Maksim
U soniečnaje nadvor’ie pryniata ličyć parašutystaŭ. Alaksiej
Carkva jość pryhožaja, vieličnaja takaja. Ale ŭ jaje ciabie, kaniečnie ž, nie puściać. Maksim
Kali budzieš łazić pa hrybkach na Cnie biez piarcovaha bałončyka, budź hatovy być źbitym hopnikami. Alaksiej
Duch minskich vulic.
Kamiennaja Horka
U Kamiennaj Horcy asnoŭny vid transpartu — dziciačy vazok. Ihr
Kamiennaja Horka pachnie chłorkaj. Kirył
Vy nikoli nie zabudziecie hetuju harmaničnuju sumieś pachaŭ, bo tolki na Kamiency možna adčuć KFS, «Burhier Kinh», «Techas Čykien», a taksama pach Ždanovičaŭ, hnoju i śmietnicy, što haryć na prypynku. Pavieł
U Kamiennaj Horcy ŭsie pavinny padparadkoŭvacca školnikam u karonie z «Burhier Kinha». Alaksiej
Paśla ranišniaha praryvu ŭ mietro abaviazkova vypi kubačak kavy i ŭpeŭnisia, što ty jašče žyvy. Natałla
Anharskaja
Anharskaja.
Ty musiš być albo chutki, albo čotki. Andrej
Paŭnočny pasiołak. Kali ty žyvieš na Paŭnočnym, to viedaješ, što ŭsie, chto stvaryŭ rajonu durnuju reputacyju, albo siadziać, albo adsiadzieli, albo pamierli. Volha
Uvaha haściam Zavodskaha rajona! Kali vy idziacie pa tratuary i sustrakajecie na šlachu lažačaha čałavieka, prośba jaho abyści i nie turbavać. U jaho ŭčora byŭ ciažki dzień. Arkadź
Tak, usie tralejbusy jeduć da mietro. Tak, i hety taksama. I toj. Siadajcie na luby. Kali łaska. Vadzim
Ty viedaješ, što Paŭnočny pasiołak nasamreč znachodzicca na paŭdniovym uschodzie Minska. I što heta ŭvohule ŭ miežach MKADu. Volha
Kurasoŭščyna
Žyć pa susiedstvie z aŭtarytetam 90-ch — norma! Nastassia
Voś tak žyvieš u Kurasoŭščynie i kožnuju zimu nie možaš vyznačycca, chto kruciej: łyžnik ci snaŭbardyst. Kaciaryna
Kali čuješ hučny huł u niebie, nie padnimaj hałavy. Heta čarhovy IŁ lacić na Mačuliščy. Vadzim
Pry žadańni pieški pašpacyravać u susiednija rajony nieabchodnyja vydatnyja navyki pieraadoleńnia aharodžaŭ i pierabiahańnia čyhunačnych šlachoŭ. Čałaviek
U Kurasoŭščynie pierš čym pierabiehčy darohu na čyrvonaje śviatło, važna pierachryścicca pierad carkvoj. (Dačakajciesia zialonaha, kali łaska). Kacia
Z nasmarkam u Kurasoŭščynie žyć lahčej. Lizzy
Duch minskich vulic.
* * *
Prajekt inicyjavała Novaja Baravaja, žychary rajona vyrašyli stvaryć ułasnuju kanstytucyju — praviły žyćcia dla miascovych. Kanstytucyju apublikujuć u vyhladzie art-ab’iekta na centralnaj płoščy rajona. Arhanizatary spadziajucca, jon stanie miascovaj słavutaściu.