«Zialonym čałaviečkam» zabaranili ŭjezd u Finlandyju
U Finlandyi ŭstupili ŭ siłu papraŭki ŭ zakanadaŭstva, jakija zabaraniajuć ujezd u krainu vajskoŭcam biez apaznavalnych znakaŭ. Papraŭki pryniaty ŭ intaresach «zabieśpiačeńnia terytaryjalnaj niedatykalnaści» krainy.
16.07.2017 / 11:37
Fota Mikhail Japaridze, AOP
Pastanovu ab uniasieńni adpaviednych źmienaŭ u pravavyja akty padpisaŭ finski prezident Sauli Niiniste, paviedamlaje DW sa spasyłkaj na nacyjanalnuju teleradyjoviaščalnuju kampaniju Yle.
Pad dziejańnie papravak, jakija prymajucca ŭ intaresach «zabieśpiačeńnia terytaryjalnaj niedatykalnaści» krainy, padpadajuć vajskoŭcy, «jakija dziejničajuć albo naŭprost u intaresach zamiežnaj dziaržavy, albo ad jaje imia, albo sa zhody hetaj dziaržavy», adznačajecca ŭ publikacyi.
Havorka idzie, u pieršuju čarhu, pra tyja vypadki, kali hetyja asoby pieramiaščajucca arhanizavana i sa zbrojaj, udakładniajecca ŭ materyjale vydańnia. Za parušeńnie zabarony pahražaje kryminalnaja adkaznaść.