Biełarusy śvietu zaklikali ŭrad stvaryć fond padtrymki biełaruskaj movy
17.07.2017 / 09:36
Savietu ministraŭ Biełarusi varta pryniać dziaržaŭnuju prahramu pa raźvićci i pašyreńni ŭžytku biełaruskaj movy va ŭsich śfierach žyćcia, asabliva ŭ adukacyi, na bližejšyja čatyry hady, adznačajecca ŭ rezalucyi pa movie delehataŭ VII źjezda biełarusaŭ śvietu, pryniataja 16 lipienia ŭ Minsku.
Delehaty źjezda ličać, što dla realizacyi hetaj prahramy musić być stvorany śpiecyjalny fond, jaki b finansavaŭsia ź dziaržaŭnaha biudžeta i za košt dobraachvotnych unioskaŭ.
Kiraŭnictvu Biełarusi, na dumku ŭdzielnikaŭ foruma, varta zrabić usio nieabchodnaje, kab novyja jurydyčnyja akty prymalisia pa-biełarusku, a isnaje zakanadaŭstva było pierakładzienaje na biełaruskuju movu ciaham čatyroch hadoŭ. Zakony «Ab movach», «Ab pravach spažyŭcoŭ» i inšyja akty pavinny być źmienienyja takim čynam, kab abiedźvie movy byli abaviazkovyja dla vykarystańnia.