Apazicyja Vieniesueły zaklikała da ahulnanacyjanalnaj zabastoŭki

17.07.2017 / 23:09

Apazicyja Vieniesueły zaklikała pravieści ahulnanacyjanalny strajk, nakiravany suprać prezidenta krainy Nikałasa Madura. Pra heta paviedamlaje Reuters.

Apazicyjny lidar Fredzi Hievara zajaviŭ, što «čas pryjšoŭ». «My zaklikajem usiu krainu ŭ hety čacvier dałučycca da masavaha i mirnaha 24-hadzinnaha strajka. Jon stanie miechanizmam cisku na ŭłady i padrychtoŭkaj da eskałacyi pratestu, jaki adbudziecca na nastupnym tydni», - źviarnuŭsia jon da hramadzianaŭ krainy.

Taksama pradstaŭniki apazicyi zajavili pra padrychtoŭku da stvareńnia ŭrada nacyjanalnaha adzinstva i abrańni suddziaŭ, jakija buduć alternatyvaj kantralavanamu Madura Viarchoŭnamu sudu krainy.