Mašynu z numarami ŁNR u Mahilovie aryštavali i źmiaścili na štrafstajanku
13.08.2017 / 16:05
Mašyna, jakuju sfatahrafavali ŭ Mahilovie z numarami niepryznanaj Łuhanskaj Narodnaj Respubliki, znachodzicca na štrafstajancy. Milicyjaj nakiravanyja zapyty ŭ kampietentnyja orhany Ukrainy dziela pravierki rehistracyi aŭtamabila.
Pra heta paviedamili na zvarot žychara Mahilova Uładzimiera Šancava ŭ DAI Kastryčnickaha rajona Mahilova.
Žychar Mahilova źviarnuŭsia ŭ kiraŭnictva abłasnoj milicyi z zapytam, jakim čynam mašyna z numarnymi znakami niepryznanaj terytoryi trapiła ŭ Biełaruś i bieśpieraškodna raźjažzdžaje pa Mahilovie, a taksama, što robiać pravaachoŭnyja orhany, kab nie dapuskać na terytoryju Biełarusi transpartnych srodkaŭ, jakija pahražajuć biaśpiecy hramadzian.