Žarko prapanuje pastupova źnižać nabor na navučańnie ŭ VNU

15.08.2017 / 14:20

Pra heta zajaviŭ žurnalistam vice-premjer Vasil Žarko pa vynikach dakładu Alaksandru Łukašenku.

«Nam nieabchodna vybudoŭvać pravilnuju piramidu navučańnia. Jana ŭ nas trochi pierahornutaja», — adznačyŭ Vasil Žarko.

Jon rastłumačyŭ, što na siońniašni dzień u krainie vypusknikoŭ VNU ŭ dva razy bolš, čym tych, chto zaviaršyŭ navučańnie va ŭstanovach siaredniaj śpiecyjalnaj i prafiesijna-techničnaj adukacyi.

«Treba naadvarot vybudoŭvać, kab u VNU išoŭ čałaviek najbolš piśmienny, padrychtavany, — skazaŭ vice-premjer. — Tamu my, napeŭna, budziem pavoli źmianšać kolkaść tych, chto pastupaje ŭ VNU, a davać bolš miescaŭ dla pastupleńnia na prafiesijna-techničnaje i siaredniuju śpiecyjalnuju adukacyju, kab čałaviek, kali zaviaršyŭ navučańnie ŭ kaledžy, razumieŭ, kudy idzie, i pastupaŭ u VNU navat chaj na zavočnuju, ale skaročanuju formu navučańnia».

Vasil Žarko taksama zajaviŭ ab nieabchodnaści pravieści atestacyju i pravieryć na adpaviednaść licenzavanym patrabavańniam ŭsie VNU Biełarusi. «U krainie 51 VNU. Ź ich 9 - pryvatnaj formy ŭłasnaści i 42 dziaržaŭnych. I ja razumieju, što ich, napeŭna, dla našaj nievialikaj krainy i šmat», - zaŭvažyŭ vice-priemjer.