Dvoje mazyrčukoŭ žorstka źbili piensijaniera, bo dziaŭčyna paklopam nazvała jaho «piedafiłam»
16.08.2017 / 12:55
Ciapier pakarajuć ich samich.
Dvoje chłopcaŭ i dziaŭčyna napadpitku brava špacyravali pa rodnym rajonie. Mima prachodziŭ piensijanier. Dziaŭčyna jak by miž inšym, kinuła: pažyły mužčyna prajaŭlaje niezdarovy intares da dziaciej.
Jaje siabry, adzin ź jakich raniej byŭ nieadnarazova sudzimy, vyrašyli ździejśnić samasud. Piensijaniera bili doŭha i žorstka, pakul nie ŭmiašalisia minaki, paviedamlaje telekanał «Mazyr».
U piensijaniera miedyki dyjahnastavali šmatlikija pierałomy, hiematomy i ŭdary. Jaho špitalizavali. Darečy, śledčyja praviali pravierku nie tolki ŭ dačynieńni da padazravanych u pryčynieńni ciažkich cialesnych paškodžańniaŭ, ale i ŭ dačynieńni da paciarpiełaha. Čutki nie paćvierdzilisia, navat naadvarot: mužčyna nie raz skardziŭsia ŭ pravaachoŭnyja orhany na toje, što miascovaja dziatva parušaje jaho spakoj.
U vyniku adzin z chłopcaŭ źmieščany pad vartu. Raspačata kryminalnaja sprava, chłopcam pahražaje da 10 hadoŭ.