Na Azorskich vyspach vyjavili vymierły vid bujnoha śniehira FOTA

Na vyśpie Hraśiosa, jakaja naležyć archipiełahu Azorskich vyspaŭ, zaołahi z Hiermanii i Ispanii znajšli pareštki staražytnaha bujnoha śniehira Pyrrhula crassa — heta pieršy vid atrada vierabjinych, znojdzienych na Azorskich astravach. Staražytny śniahir zjaŭlaŭsia samym bujnym z usich ciapier viadomych vidaŭ siamiejstva ŭjurkovych. Daśledavańnie apublikavanaje ŭ zaałahičnym časopisie Zootaxa.

17.08.2017 / 13:51

Kostki śniehira byli znojdzienyja ŭ nievialikaj piačory vułkana Kałdejra, uzrost jakoha pieravyšaje 12 tysiač hadoŭ. Piačora zjaŭlałasia svojeasablivaj pastkaj dla ptušak, i dahetul u joj nazapašvajucca kostki. Vidać, ptuški zalatali ŭ piačoru ŭ pošukach ježy abo budaŭničaha materyjału dla hniozdaŭ, ale raźbivalisia ab jaje ścieny i hinuli. Kostki byli sabranyja niepasredna z pavierchni skały i dobra zachavalisia.

P. crassa adroźnivajucca ad sučasnych śniehiroŭ razmacham kryła i vieličynioj čerapa. 

Razmach ich kryła składaŭ prykładna 10 santymietraŭ, tady jak u ich bližejšych jeŭrapiejskich svajakoŭ nie pieravyšaje 7-8 santymietraŭ. Taksama P. crassa pieraŭzychodzili ich i pa vazie — kala 45 hram suprać 16-26 hram u ptušak u Centralnaj Jeŭropie. U znojdzienaha vidu byŭ vielmi abmiežavany areał pasialeńnia, jaki ŭklučaŭ u siabie tolki Azorskija vyspy. U racyjon staražytnych śniehiroŭ uvachodzili sadavina, jahady, drobnaje nasieńnie i pupyški raślinaŭ.

Źvierchu ŭniz: pieršyja dva čarapy naležać jeŭrapiejskim vidam; nižni čerap — Pyrrhula crassa. Biełaja viertykalnaja pałasa roŭnaja 1 sm.

Pryčynaj źniknieńnia ptušak, imavierna, stała razbureńnie pieršarodnych miescaŭ pražyvańnia. Da zjaŭleńnia čałavieka ŭvieś archipiełah pakryvaŭ les, zaraz ža lasy zachavalisia tolki na troch adsotkach ich byłoj terytoryi.