Prezydent Turcyi źbirajecca ŭ Jerevan na futboł
I heta pry tym, što dyplamatyčnych stasunkaŭ pamiž krainami niama ad 1993 h., dyj zachoŭvajucca dyjametralnyja pohlady na padziei 1915 h., kali adbyłosia h. zv. "masavaje pierasialeńnie" armianaŭ.
04.09.2008 / 10:50
U subotu ŭ Jerevanie projdzie matč adboračnaha turniru Čempijanatu śvietu — 2010. Ironija losu ŭ tym, što zbornyja Turcyi i Armienii trapili ŭ adnu hrupu "E".
Hiul lacić z poŭaficyjnym vizytam. Na matčy prezydent Tureckaj Respubliki budzie siadzieć pobač z prezydentam Armienii Sieržam Sarkijanam!
Pamiž Turcyjaj i Armienijaj niama dyplamatyčnych stasunkaŭ z momantu nabyćcia Armienijaj niezaležnaści ŭ 1991 h. Miaža zakryta z 1993 h.
Asnovaj napružanaści dačynieńniaŭ jość admova Turcyi pryznavać hienacyd armianaŭ u 1915 h. na terytoryi Asmanskaj imperyi. Armianski bok nazyvaje lik zabitych u 1,5 młn čałaviek.
Turecki bok zaznačaje, što heta ličba zavyšanaja dy zaznačaje, što heta było vynikam Pieršaj suśvietnaj vajny. Armianie padčas Pieršaj suśvietnaj padtrymali praciŭnikaŭ turkaŭ - Rasieju.
Pryjezd Abduły Hiula na matč ŭ Jerevan vykliča nieadnaznačnuju reakcyju ŭ Turcyi. Ale ŭ zajavie, apublikavanaj na ueb-sajcie prezydenta, vykazvajecca nadzieja, što hety vizyt dazvolić dziaržavam lepš zrazumieć adzin druhoha i stvaryć atmasferu družalubnaści ŭ rehijonie.
Cikavy fakt, što padčas konkursu Eŭrabačańnia-2008 Turcyja na druhoje miesca pastaviła śpiavačku z Armienii. Praŭda, armianskija hledačy nie dali hurtu Mor ve Otesi, jaki zaniaŭ vynikovaje 7‑ie miesca, naohuł nivodnaha bału. A hod tamu tureckija hledačy naohuł dali Armienii najvyšejšy bał.