Nasta Kudasava. ***baišsia pakuty ŭdychaŭ, pakatych dachaŭ…
05.09.2017 / 21:45
*
baišsia pakuty ŭdychaŭ, pakatych dachaŭ,
baišsia karalaŭ i švedraŭ z tuhoj harłavinaj,
tamu biažyš ad siabie:
dziki viecier — pad pachaj,
va ŭsich kišeniach — kaštany j vierad pravinaŭ.
biažyš,
nibyta mahčyma ŭciačy ad žalby,
schavacca ad vuścišy ŭ Vilni, Maskvie ci Prazie…
i raptam adnojčy — vočy!
niaścierpnyja vočy
sałodkim skalpielem
prarazajuć naskroź heta ŭsio —
da piaščoty —
i stanoviacca eŭtanazijaj.