Названыя імёны пяці футбалістаў зборнай Беларусі, якія парушылі дысцыпліну перад паразамі ад Люксембурга і Швецыі
09.09.2017 / 13:41
Як заявіў галоўны трэнер зборнай Беларусі Ігар Крывушэнка, некалькі яе гульцоў парушылі дысцыпліну ў ходзе падрыхтоўкі да адборачных матчаў чэмпіянату свету з камандамі Люксембурга (0:1) і Швецыі (0:4).
AFP
Паводле звестак pressball.by, дысцыпліну парушылі нападаючы «Шахцёра» Дзяніс Лапцеў, паўабаронца «Нёмана» Павел Савіцкі і форвард мінскага «Дынама» Антон Сарока.
Паводле ўдакладненых даных, сярод парушальнікаў дысцыпліны таксама аказаліся абаронца кіеўскага «Дынама» Мікіта Корзун і абаронца брэсцкага «Дынама» Дзмітрый Алісейка.