Minabarony RF: Usie rasijskija vajskoŭcy viarnulisia ź Biełarusi damoŭ

30.09.2017 / 16:13

Ihar Kanašenkaŭ.

Usie rasijskija vajskoŭcy, jakija ŭdzielničali ŭ manieŭrach «Zachad-2017», viarnulisia ŭ punkty pastajannaj dysłakacyi, abvinavačvańni načalnika Hienieralnaha štaba Uzbrojenych sił Ukrainy Viktara Muženki nie adpaviadajuć rečaisnaści. Pra heta zajaviŭ u subotu žurnalistam aficyjny pradstaŭnik Minabarony RF Ihar Kanašenkaŭ.

Raniej u intervju Reuters Muženka zajaviŭ, što Rasieja nibyta pakinuła vojski paśla praviadzieńnia vučeńniaŭ «Zachad-2017» na terytoryi Biełarusi.

«Što ž tyčycca padraździaleńniaŭ rasijskich vojskaŭ, jakija brali ŭdzieł u sumiesnym stratehičnym vučeńni «Zachad-2017», usie jany viarnulisia ŭ punkty pastajannaj dysłakacyi», - skazaŭ Kanašenkaŭ.