Па ўсім свеце адбыўся збой у працы Facebook
11.10.2017 / 20:28
Карыстальнікі інтэрнэту па ўсім свеце паведамляюць аб непаладках у працы Facebook, піша Dailystar.
Збой праяўляецца і ў мабільных дадатках. Большасць карыстальнікаў паведамляюць аб «поўным адключэнні». Яны адзначаюць, што сайт не загружаецца і што яны не могуць увайсці ў свае ўліковыя запісы.
У цэлым карыстальнікі пакідаюць розныя паведамленні пра памылкі. Некаторыя сцвярджаюць, што сайт не працуе для абслугоўвання, у той час як у іншых старонка застаецца пустой.
Памылка прывяла да таго, што карыстальнікі не могуць дзяліцца спасылкамі або публікаваць артыкулы.
Сайт Down Detector, які вымярае згадкі вакол пэўнай тэмы для адсочвання збояў па ўсім свеце, паказвае тысячы карыстальнікаў, якія паведамляюць аб праблемах.
Адзін з карыстальнікаў апублікаваў паведамленне, з якім ён сутыкнуўся: «Facebook хутка вернецца. Дзякуй за вашу цярплівасць, мы паляпшаем сайт».
У Facebook пакуль афіцыйна не пракаментавалі сітуацыю.