Biełaruski mabilny dadatak z dapoŭnienaj realnaściu staŭ «hulnioj dnia» dla ajfonaŭ
Štodnia śpiecyjalisty kampanii Apple adbirajuć samuju cikavuju i papularnuju hulniu, jakaja potym u kramie dadatkaŭ AppStore pazicyjanujecca jak «Hulnia dnia». 20 kastryčnika takoj hulnioj stała Tamadog, raspracavanaja biełarusami.
20.10.2017 / 22:33
«Game of the day» — «Hulnia dnia», fota hałoŭnaje staronki AppStore
Hulnia Tamadog — heta sučasny varyjant miehapapularnych na pačatku 2000-ch «Tamahočy», virtualnych chatnich hadavancaŭ. Ale kali ŭ «Tamahočy» vašyja hadavancy isnavali vyklučna na ekranie adpaviednaje pryłady, to ciapier jany mohuć znachodzicca, dzie pažadajecie: na vašym stale, na dvare, na padłozie, u łožku — usiudy, kudy vy naviadziecie kamieru vašaha telefona.
Unutry hulni jość ubudavanyja pakupki, 50% ad prodažaŭ jakich nakiroŭvajucca na padtrymku prytułkaŭ dla sabak pa ŭsim śviecie.
Hulnia realizavanaja z dapamohaj dapoŭnienaj realnaści, pra jakuju my raspaviadali raniej.
Čytajcie: Virtualnaja i dapoŭnienaja realnaść: što heta i ŭ čym adroźnieńnie?
Toje, što Apple tak vysoka ŭhanaravała Tamadog, pakazvaje na vysokuju jakaść i ŭzrovień dadatku, što jašče raz pacviardžaje kampietentnaść biełaruskich IT-śpiecyjalistaŭ.