Voś taki piroh pryniesła ŭ «Našu Nivu» veb-redaktarka + RECEPT

31.10.2017 / 15:42

Veb-redaktarka NN Jułija Mickievič pryniesła ŭčora ŭ Redakcyju voś taki firmovy piroh.

Hety čałaviek na praciahu čatyroch hadoŭ składaŭ stužku navin u druhoj pałovie dnia, mužna prymaŭ kamientary, dzialiŭsia zdymkami pryrody ŭ rubrycy «Pryhožaje», a ad niadaŭna — i receptami vypiečki ŭ «Našaj Ninie». Jula časova składaje svaje paŭnamoctvy veb-redaktara, ale smakatoj abiacaje radavać i nadalej.

(Nie zajzdrościcie! Piraha chutka nie stała.)

A voś jaho recept, možacie paŭtaryć:

Vam spatrebicca:

• 100 h masła
• 2/3 šklanki cukru
• 2 jajki
• 1 šklanka harbuzovaha piure
• 1/2 šklanki apielsinavaha soku
• 1/4 šklanki małaka
• 1 st.ł. apielsinavaj cedry
• 2 šklanki muki
• 3 č.ł. razrychlalniku
• 1/2 č.ł. sody
• drobka soli
• 1 č.ł. cynamonu
• 1/2 č.ł. imbiru

Jak hatavać:

1. Uźbić raźmiakčanaje masła z cukram (3—4 chviliny), dadać pa adnym jajki, uźbivajučy paśla kožnaha jašče pa chvilinie.

2. U asobnaj miscy źmiašać harbuzovaje piure, sok i cedru apielsina, małako.

3. U treciaj miscy źmiašać muku z razrychlalnikam, sodaj, sołlu i śpiecyjami. 

4. Čarhujučy, pastupova dadać harbuzovuju i mučnuju sumiesi ŭ maślana-jaječnuju, dobra raźmiašać.

5. Vypiakać na na 180°S kala 45—50 chvilin (u šyrokaj i płoskaj formie piačecca chutčej, u bolš vysokaj i vuzkaj — chvilin na 10—15 bolš).

6. Piroh smačny i sam saboju, ale možna zrabić krem: uźbić śmiatanu z cukrovaj pudraj (prykładna 200 h śmiatany na 80 h pudry, kolkaść pudry rehulujcie ŭ pracesie na smak), zmazać kremam vierch piraha i prysypać cynamonam. Kali piačecie ŭ vysokaj formie, zrabicie kremu ŭ dva razy bolš: atrymajecca paŭnavartasny torcik:)