Miesiendžar «Telehram» atrymaŭ bujnoje abnaŭleńnie i novyja funkcyi
Raspracoŭščyki Telegram abnavili svaje dadatki dla iOS i Android da viersii 4.5. Miesiendžar atrymaŭ šmat novaŭviadzieńniaŭ, u tym liku maje śpiecyjalny čat dla abranych paviedamleńniaŭ.
15.11.2017 / 13:43
Asnoŭnyja novaŭviadzieńni:
- Pry adpraŭcy niekalkich fatahrafij abo videa ich možna zhrupavać u adzin albom. Taksama možna vybrać paradak, u jakim znachodziacca fatahrafii:
- Kab zachavać važnyja paviedamleńni, ich možna pierasłać u čat «Vybranaje». Pierajści da zachavanych paviedamleńniaŭ možna sa śpisu čataŭ abo z bakavoj paneli. Heta taki sabie anałah čatu z samim saboj;
- Novy ałharytm hłabalnaha pošuku pa kanałach dazvalaje šukać ich pa zahałoŭkach. Uviersie pošuku vyvodziacca samyja papularnyja supołki i boty;
- Administratary kanałaŭ atrymali mahčymaść zamacoŭvać paviedamleńni ŭviersie čata, kab padpisčyki nie prapuścili važnyja abjavy. Raniej takaja mahčymaść była tolki ŭ čatach supołak;
- Źjaviłasia mahčymaść dadavać da 10 fatahrafij profilu karystalnika, jakija možna pierahortvać i vybirać tuju, jakuju ŭ dadzieny momant buduć bačyć inšyja karystalniki.