Навагоднія ёлкі на вуліцах Мінска заззяюць вечарам 15 снежня

14.12.2017 / 14:49

16 навагодніх ёлак паводле графіка ўключэння ілюмінацыі, зацверджанага ў Мінгарвыканкаме, упершыню загарацца яркімі рознакаляровымі агеньчыкамі 15 снежня ў 17:15.

Для іх ўпрыгажэння спатрэбілася 520 гірлянд з 33 400 лямпачкамі, распавёў «Мінск-навінам» начальнік электрасеткавага раёна №5 Георгій Таболін.

Стацыянарная ж святочная ілюмінацыя згодна з графікам ўключэння ўспыхне 23 снежня.