Trusaŭ pierajmianuje ŭniviersitet, bo firma «Albarutenija» vyrablaje nadmahilnyja pomniki

22.01.2018 / 11:01

Univiersiteta «Albarutenija» nie budzie, firma z takoj nazvaj užo jość, jana vyrablaje nadmahilnyja pomniki», — raspavioŭ «Narodnaj Voli» Aleh Trusaŭ, jaki vykonvaje abaviazki rektara pryvatnaha biełaruskamoŭnaha nacyjanalnaha ŭniviersiteta, što stvarajecca ŭ Biełarusi.

«My vyjšli na kiraŭnictva firmy i paprasili, kab jany dali nam dazvoł na karystańnie hetaj nazvaj. Tyja spačatku abiacali pajści nam nasustrač, a zatym admovilisia. Nie vyklučaju, što im padkazali tak zrabić. Ale ŭ lubym vypadku nam nie zastavałasia ničoha inšaha, jak vybrać jašče try varyjanty nazvy ŭniviersiteta i padać ich na rehistracyju.

— Z vykładčykami vyznačylisia?

— Vykładčyki, jakija chočuć pracavać u budučym univiersitecie, rehistrujucca. Akramia taho, užo całkam hatovy Statut univiersiteta. Chaču adznačyć, što ŭličany zaŭvahi ŭsich vykładčykaŭ. Tamu, jak tolki zarehistrujuć nazvu, adrazu ž padajem dakumienty na rehistracyju Statuta.