Chłopiec aryhinalna paździekavaŭsia ź dziaŭčyny, jakaja jamu zdradziła FOTAFAKT
13.03.2018 / 20:41
Arhienciniec zaśpieŭ dziaŭčynu ź inšym chłopcam i nieprykmietna zrabiŭ na ich fonie sełfi.
20-hadovy Marjan vypadkova trapiŭ na viečarynu, kudy taksama pryjšła jaho dziaŭčyna. Pra heta jon daviedaŭsia, kali ŭbačyŭ kachanuju ŭ abdymkach nieviadomaha. Para była tak zaniataja pacałunkami, što navat nie zaŭvažyła hościa.
Małady čałaviek nie razhubiŭsia: jon sieŭ pobač, zrabiŭ sełfi na ich fonie i vykłaŭ zdymak u sacsietkach. «Maja dziaŭčyna (užo byłaja) nie padazraje, što my pryjšli na adnu viečarynku», — padpisaŭ jon svoj post u Twitter.
Ab razryvie z chłopcam dziaŭčyna daviedałasia, kali tvit nabraŭ virusnuju papularnaść. Za niekalki dzion zapis Marjana sabraŭ bolš jak 15 tysiač repostaŭ i amal 70 tysiač łajkaŭ.
Paźniej arhienciniec apublikavaŭ skrynšoty pierapiski z byłoj kachanaj, jakaja pieraprošvała i sprabavała apraŭdacca. Jana zajaviła, što była vielmi pjanaja, ale ŭsio roŭna lubić Marjana i choča być tolki ź im. Adnak hetyja słovy jaho nie pierakanali.