Мэр Рыгі выплаціць сем'ям людзей, якія загінулі ў Кемераве, 50 тысяч еўра

28.03.2018 / 22:18

Рыга дапаможа сем'ям загінулых пры пажары ў Кемераве і выплаціць ім 50 тысяч еўра. Пра гэта паведаміў на сваёй старонцы ў Facebook мэр горада Ніл Ушакоў.

Паводле яго слоў, з такой ініцыятывай выступілі многія дэпутаты Рыжскай думы, і ў чацвер, 29 сакавіка, гэта рашэнне будзе разгледжана ў Фінансавым камітэце.

28 сакавіка губернатар Кемераўскай вобласці распавёў, што сем'і загінулых атрымаюць каля 14 тысяч еўра ад мясцовых уладаў і такую ж суму ад федэральных.