«Саюзмультфільм» патлумачыў, чаму ў працягу «Прастаквашына» сястру Дзядзькі Фёдара завуць Вера Паўлаўна, калі іх тата — Дзіма
30.03.2018 / 18:23
На неадпаведнасць імя па бацьку новай гераіні «Прастаквашына» і імя яе бацькі звярнулі ўвагу пасля анонса працягу серыяла.
Дырэктар кінастудыі «Саюзмультфільм» Барыс Машкоўцаў у інтэрв'ю «Говоріт Москва» заявіў:
«Гэта баг. Выпраўляць не плануем».
Ён таксама адзначыў, што ніхто з супрацоўнікаў студыі не панёс пакарання за гэтую памылку.
У кнігах Эдуарда Успенскага бацькоў Дзядзькі Фёдара завуць Рыма і Дзмітрый Свякольнікавы. У новых эпізодах у іх з'яўляецца дачка, якую мультыплікатары назвалі Верай Паўлаўнай.