Жыраф забіў аператара падчас здымак фільма
У Паўднёва-Афрыканскай Рэспубліцы аператар і рэжысёр Карлас Карвальё кампаніі CallaCrew памёр пасля ўдару жырафы, якую ён спрабаваў зняць буйным планам. Пра гэта паведамляе Associated Press.
06.05.2018 / 16:12
Прадстаўнік кампаніі CallaCrew адзначыў, што ў Карвальё «адбылася фатальная сутычка з жырафай падчас здымак».
Таксама паведамляецца, што аператара забіла жырафа па мянушцы Джэральд. Інцыдэнт адбыўся, калі Карвальё знаходзіўся пад жырафай — жывёла нахілілася, каб паглядзець на мужчыну, і ўдарыла яго галавой. Аператара даставілі ў бальніцу Ёханэсбурга, аднак ад атрыманых траўмаў ён памёр.
Жырафа жыве на ферме Glen Afric Country Lodge у Паўднёва-Афрыканскай Рэспубліцы. На сайце фермы адзначаецца, што «наведвальнікі могуць паглядзець зблізку на многіх насельнікаў дзікай прыроды».