Upieršyniu za 5 hadoŭ Pucin nie staŭ samym upłyvovym čałaviekam śvietu pa viersii Forbes

08.05.2018 / 18:57

Si Czińpin.

Pieršy radok novaha rejtynhu samych upłyvovy ludziej śvietu pa viersii Forbes upieršyniu za piać hadoŭ nie zaniaŭ prezident Rasii Uładzimir Pucin. Jon sastupiŭ lidarstva kiraŭniku Kitaja Si Czińpinu. Prezident ZŠA Donald Tramp, jaki zajmaŭ da hetaha druhi radok, apuściŭsia na treciaje miesca.

U pieršaj dziesiatcy samych upłyvovych ludziej śvietu — kancler Niamieččyny Anhieła Mierkiel, zasnavalnik Amazon Džef Biezas, Papa Rymski Francysk, zasnavalnik Microsoft Bił Hiejts, naśledny prync Saudaŭskaj Aravii Muchamied bien Salman, premjer Indyi Narendra Modzi, suzasnavalnik Google Łary Pejdž.

Kiraŭnik Facebook Mark Cukierbierh zaniaŭ 13-y radok rejtynhu, Uoren Bafiet — 16-y, Džek Ma — 21-y, Cim Kuk — 24-y, a Iłan Mask — 25-y, suzasnavalnik Google Siarhiej Bryn — 35-y.

Časopis patłumačyŭ pieršaje miesca Si Czińpina tym, što jamu ŭdałosia bolš za inšych kansalidavać uładu: u siaredzinie sakavika deputaty Usiekitajskaha schodu narodnych pradstaŭnikoŭ nie tolki iznoŭ abrali jaho na pasadu staršyni krainy, ale i vyrašyli prybrać z Kanstytucyi abmiežavańnie pa kolkaści terminaŭ.

RBK