Белстат: Рэальныя грашовыя даходы насельніцтва ў I квартале выраслі на 7,6%

15.05.2018 / 20:34

Рэальныя наяўныя грашовыя даходы насельніцтва ў I квартале 2018 года склалі 107,6% да ўзроўню I квартала 2017-га, паведамляе Белстат.

У агульным аб'ёме грашовых даходаў аплата працы займае 64%, даходы ад прадпрымальніцкай і іншай дзейнасці, якая прыносіць даход, — 7,6%, трансферты насельніцтву (пенсіі, дапамогі, стыпендыі і іншыя) — 23,8%, даходы ад уласнасці і іншыя даходы — 4,6%.