Ліянэль Мэсі атрымаў пятую «Залатую буцу»
21.05.2018 / 09:01
Форвард іспанскай «Барселоны» і зборнай Аргенціны Ліянэль Мэсі стаў першым у гісторыі пяціразовым уладальнікам «Залатой буцы» — прыз, які ўручаецца найлепшаму бамбардзіру еўрапейскіх футбольных чэмпіянатаў.
У сезоне 2017-2018 гадоў Мэсі забіў у чэмпіянаце Іспаніі 34 галы ў 36 матчах. У барацьбе за тытул аргенцінец апярэдзіў Махамеда Салаха з «Ліверпуля», які стаў найлепшым нападаючым чэмпіянату Англіі з 32 забітымі мячамі.