U Minsku pabudujuć stadyjon dla plažnaha futboła za 400 tysiač jeŭra

21.05.2018 / 18:25

Kapsułu ŭ padmurak budučaha nacyjanalnaha stadyjona pa plažnym futbole zakładuć 2 červienia ŭ Mižnarodny alimpijski dzień u Minsku, paviedamiŭ karespandentu BiełTA staršynia Fiederacyi plažnaha futboła Biełarusi Alaksiej Syčoŭ. Uračystaja cyrymonija adbudziecca na terytoryi SAK «Alimpijski», dzie ŭ červieni 2019 hoda projduć spabornictvy pa plažnym futbole i stralbie z łuka padčas II Jeŭrapiejskich hulniaŭ.

Na budaŭnictva stadyjona, jaki zmoža źmiaščać 1,5 tysiačy čałaviek, płanujuć nakiravać kala 400 tysiač jeŭra. Užo ŭ žniŭni 2018 hoda na novaj placoŭcy płanujecca pravieści pieršyja aficyjnyja hulni — matčy etapu Jeŭralihi. Hetyja spabornictvy stanuć testavym turniram dla acenki mahčymaściaŭ placoŭki da pryjomu matčaŭ II Jeŭrapiejskich hulniaŭ, adznačyŭ Alaksiej Syčoŭ.