Novy premjer Ispanii paprasiŭ prybrać kryž i Bibliju padčas prysiahańnia
U Ispanii źjaviŭsia novy premjer-ministr. Im staŭ sacyjalist i pierakanany ateist Pedra Sančes, jaki prysiahnuŭ u subotu. Sančes staŭ pieršym ateistam u historyi Ispanii, jaki zaniaŭ pasadu premjer-ministra. Prysiahajučy, jon paprasiŭ, kab na hetaj cyrymonii nie było tradycyjnych u takich vypadkach kryža i Biblii.
03.06.2018 / 09:15
Sančes maje namier kiravać uradam pa mienšaj miery dva hady, što zastalisia da nastupnych parłamienckich vybaraŭ.
46-hadovy lidar sacyjalistaŭ atrymaŭ padtrymku šaści inšych ispanskich partyj i zaniaŭ miesca Maryjana Rachoja, jaki pajšoŭ z premjerskaha pasta paśla karupcyjnaha skandału.
Partyja Sančesa maje tolki čverć miescaŭ u parłamiencie, i pierad jaje lidaram budzie niaprostaja zadača farmiravańnia novaha kabinieta ministraŭ, jaki, jak čakajuć, budzie abvieščany na nastupnym tydni.