Латвія купляе 4 амерыканскія верталёты Black Hawk
04.08.2018 / 08:47
Верталёт UH-60M Black Hawk.
Дзяржаўны дэпартамент ЗША дазволіў продаж Латвіі чатырох верталётаў UH-60M Black Hawk. Рыга заплаціць за іх $200 млн. Пра гэта паведаміў сайт Defence News са спасылкай на заявуАгенцтва па супрацы ў галіне абароннай бяспекі ЗША.
Разам з баявымі верталётамі Латвія атрымае запасныя рухавікі для іх, інфрачырвоныя лакатары Talon Forward Infrared Radion, абсталяванне для навучання персаналу, наземнага абслугоўвання тэхнікі і дакументацыю.
Раней армія Латвіі мела толькі 6 верталётаў савецкай вытворчасці.