Dyrektarka turfirmy z Hrodna prajhrała hrošy kłijentaŭ na anłajn-staŭkach

10.08.2018 / 14:16

U krasaviku 31-hadovaja žančyna zarehistravała tavarystva z abmiežavanaj adkaznaściu pa akazańni pasłuh u sfiery adpačynku. Da červienia, jak paviedamlaje sajt UUS Hrodzienskaha abłvykankama, ŭ jaje naźbiralisia daŭhi asabistaha płana, i dziaŭčyna vyrašyła skarystacca srodkami kłijentaŭ, jakija ŭkłali hrošy ŭ pucioŭki.

Uziatyja z kasy 25 tysiač rubloŭ jana chacieła kampiensavać, zrabiŭšy niekalki stavak na tenis. Prahnozy, na jaje žal, nie spraŭdzilisia, srodkaŭ kampiensavać čarhovy finansavy prabieł nie akazałasia, a ŭ milicyju pačali źviartacca niezadavolenyja kłijenty. Na rukach u ich byli vydadzienyja turfirmaj dakumienty, ale zapłanavany adpačynak tak i nie adbyŭsia.