Novaja viersija AS Android błakuje papularnyja prahramy dla zapisu zvankoŭ

15.08.2018 / 17:53

Najnoŭšaja viersija papularnaj mabilnaj AS Android Pie pryniesła ŭładalnikam smartfonaŭ mnostva novaŭviadzieńniaŭ. Naprykład, paśla abnaŭleńnia da Android 9.0 mnohija prahramy dla zapisu zvankoŭ stali zabłakavanymi.

Google pasprabavała prybrać mahčymaść zapisu zvankoŭ dla inšych raspracoŭščykaŭ jašče z vychadam Android 6 Marshmallow. Adnak tady inšym raspracoŭščykam udałosia abyści heta abmiežavańnie.

Zaraz raspracoŭščyki takich papularnych prahram, jak Call Recorder — ACR i BoldBeast Android Call Recorder pacvierdzili, što hety šlach zakryty. Adziny sposab atrymać funkcyju zapisu zvankoŭ — ruciravać smartfon. Ad Google z hetaj nahody nijakich aficyjnych zajaŭ nie pastupała.