У Баранавічах жанчыне не спадабалася, як ёй паклалі плітку, за гэта яна забрала і прадала інструмент рабочых

10.09.2018 / 17:25

У міліцыю звярнуўся пенсіянер, які распавёў, што пазычыў сваім знаёмым вібрапрэс і шліфавальную машынку. Знаёмыя павінны былі пакласці плітку гараджанцы.

— За працу жанчына заплаціла 200 рублёў, але кладкай пліткі засталася незадаволеная. Яна запатрабавала перакласці плітку і забрала сабе інструменты агульным коштам 750 рублёў, пакуль рабочыя не пераробяць, — распавялі Intex-press ва УУС Брэсцкага аблвыканкама.

Рабочыя з'ехалі. Калі да жанчыны прыйшоў пенсіянер, каб забраць свае інструменты, яна яму адмовіла.

У дачыненні да жанчыны распачалі крымінальную справу па ч. 1 арт. 205 КК Беларусі («Крадзеж»).