Nacbank raźličvaje ŭtrymać inflacyju ŭ miežach 5,5-6%
02.10.2018 / 11:07
Nacbank raźličvaje ŭtrymać u hetym hodzie inflacyju ŭ miežach prahnozu - 5,5-6%. Pra heta zajaviŭ namieśnik staršyni praŭleńnia Nacbanka Dźmitryj Łapko.
Niahledziačy na vysokuju niavyznačanaść na źniešnich rynkach i ŭnutranyja uraźlivaści, Nacbank raźličvaje ŭtrymać u hetym hodzie inflacyju ŭ miežach prahnozu - 5,5-6%.
«Šmat niavyznačanaści, my budziem sačyć za situacyjaj», — adznačyŭ Łapko, adkazvajučy na pytańnie pra pierśpiektyvy źnižeńnia staŭki refinansavańnia.
U Biełarusi staŭka zastajecca na rekordna nizkim uzroŭni, 10%. Pry hetym Centrabank Rasii niadaŭna vymušany byŭ pavysić staŭku.
«U ramkach pavyšanych hieapalityčnych ryzyk kazać pra toje, jakija my budziem pradprymać dziejańni, rana», - dadaŭ Łapko.