Na Ušaččynie dyrektar ŽKH dziela premii rabiŭ novyja śvidraviny z vadoj, a staryja zasypaŭ. Heta kaštavała biudžetu 146 tysiač rubloŭ

04.10.2018 / 18:44

Na Ušaččynie za košt biudžetu budavali novyja śvidraviny pitnoj vady, a staryja zasypali ziamloj, paviedamlaje Kamitet dziaržkantrolu. Z dapamohaj takoj schiemy dyrektar ŽKH chacieŭ atrymać premiju i paźbiehnuć adkaznaści za niavykarystanyja hrošy ź biudžetu.

Na pradpryjemstvie ŽKH na Ušaččynie vyjavili fiktyŭnyja akty rabot pa ramoncie artezijanskich śvidravin pitnoj vady — na heta ź biudžetu niezakonna vydatkavali zvyš 146 tysiač rubloŭ.

Zamiest kapitalnaha ramontu artezijanskich śvidravin, na jaki vydatkoŭvalisia hrošy z abłasnoha biudžetu, u rajonie rabili novyja śvidraviny. Pryčym rabili heta biez uzhadnieńnia prajektnaj dakumientacyi. A śvidraviny, jakija nieabchodna było ramantavać, zasypalisia.

Raspačata kryminalnaja sprava za niametavaje vykarystańnie hrošaj.