УПЦ МП адмовілася ад удзелу ў стварэнні аўтакефальнай украінскай царквы
13.11.2018 / 20:02
Украінская праваслаўная царква Маскоўскага патрыярхата адмаўляецца ўдзельнічаць у працэсе стварэння аўтакефальнай Украінскай праваслаўнай царквы. Пра гэта гаворыцца ў пастанове Сабора епіскапаў УПЦ МП.
«Сабор епіскапаў адзначае, што працэс давання так званага томаса аб аўтакефаліі з'яўляецца штучным, навязаным звонку», — гаворыцца ў дакуменце.
«Пры такіх умовах уступленне епіскапату, духавенства і свецкіх Украінскай Праваслаўнай Царквы да гэтых працэсаў лічым немагчымым», — адзначаецца ў заяве.