Suprać hamielčuka raspačali kryminalnuju spravu za niezakonny vyrab nažoŭ. Jon śćviardžaje, što heta chobi
13.12.2018 / 18:30
Supracoŭniki kryminalnaha vyšuku ahledzieli žyllo 54-hadovaha žychara Homiela.
Na bałkonie kvatery hamielčuka znajšli piać nažoŭ. Akramia ŭžo hatovych vyrabaŭ, apieratyŭniki znajšli zahatoŭku naža i mietaličnuju płaścinu, ź jakoj toj i vyrablaŭ lozy.
Mužčyna nie admaŭlaŭ fakt vyrabu nažoŭ. Maŭlaŭ, chobi takoje: niešta majstravaŭ dla siabie, niešta na padarunki svajakam. Prodažam nie zajmaŭsia. Pra toje, što jaho pradukcyja moža być pryznana chałodnaj zbrojaj, čuŭ, ale asablivaj uvahi nie nadavaŭ.
U vyniku ekśpiertyzy vyśvietliłasia, što dva ź piaci pradstaŭlenych nažoŭ źjaŭlajucca chałodnaj zbrojaj.
Homielskim haradskim addziełam SK raspačata kryminalnaja sprava za niezakonnyja dziejańni ŭ dačynieńni da chałodnaj zbroi.