Biełarusy ŭžyvajuć niedastatkova małočki
Biełarusy spažyvajuć niedastatkova małočnych praduktaŭ — u siarednim krychu bolš za 250 kh na dušu nasielnictva pry ahulnapryznanaj u śviecie normie Suśvietnaj arhanizacyi achovy zdaroŭja (SAAZ) u 330—340 kh.
19.12.2018 / 14:58
Fota Shutterstock.
Navukoŭcy dakazali: spažyvańnie małočnych praduktaŭ stanoŭča ŭpłyvaje na jakaść charčavańnia. Ad jaho, u svaju čarhu, šmat u čym zaležyć stan zdaroŭja čałavieka.
Pavodle acenak ekśpiertaŭ, siaredniestatystyčny žychar Biełarusi za hod źjadaje i vypivaje małočnych praduktaŭ praktyčna na tracinu mienš za šarahovaha jeŭrapiejca. I choć spažyvańnie «małočki» ŭ krainie štohod raście, adstavańnie ad normy ŭsio jašče zaŭvažnaje.
«Małočnyja pradukty — važny składnik pravilnaha charčavańnia. Jany pavinny być u racyjonie kožnaha čałavieka, bo heta samy prosty i smačny sposab zrabić charčavańnie zbałansavanym. Pažadana spažyvać u tym ci inšym vyhladzie kala litra małaka ŭ dzień», — kaža dyrektar Instytuta miasa-małočnaj pramysłovaści NAN Biełarusi Alaksiej Mielaščenia.
Źmianić situacyju dapamoža kansalidacyja namahańniaŭ siamji, miedykaŭ, škoł, daškolnych ustanoŭ i sacyjalnych inicyjatyŭ biznesu pa papularyzacyi zdarovaha charčavańnia, ličać u kampanii «Savuškaŭ pradukt». Ich «Małočnaja akademija» ŭ Minsku ŭžo vučyła školnikaŭ, jak atrymlivać ad ježy nie tolki zadavalnieńnie, ale i karyść.
Stanoŭčy ŭpłyŭ dastatkovaha spažyvańnia małaka byŭ dakazany jašče adnym prajektam kampanii — «Školnaje małako», jaki pravodziŭsia na bazie pačatkovych škoł Minska.
Vyniki rehularnych miedycynskich abśledavańniaŭ pakazali, što ŭ minskich školnikaŭ, u štodzionnym racyjonie jakich byli kisłamałočnyja pradukty, praktyčna na 30% źniziłasia častata prastudnych zachvorvańniaŭ, a ŭ dziaciej, jakija ŭsio ž prastudžvajucca, pieryjad vyzdaraŭleńnia skaraciŭsia na 30—40%.
Karyść małočnych praduktaŭ paćvierdziła i daśledavańnie Instytuta fizijałohii NAN Biełarusi. Śpiecyjalisty vyvučali ŭpłyŭ na arhanizm johurtaŭ ź bifidabakteryjami (na prykładzie liniejki «Aptymal») i ultrapasteryzavanaha małaka «Savuškaŭ». Vyśvietliłasia, što apošniaje stanoŭča ŭpłyvaje na ŭmacavańnie sardečnaj myšcy, tady jak johurty dapamahajuć u narmalizacyi pracy straŭnikava-kišačnaha traktu, što akazvaje stanoŭčy ŭpłyŭ i na ŭmacavańnie imunitetu.
Pavysić cikavaść biełarusaŭ da małaka imkniecca nie tolki dziaržava, ale i vytvorcy. U pryvatnaści, u krainie dziejničaje doŭhaterminovaja prahrama «Savuškaŭ pradukt za zdaroŭje nacyi». Kožny hod vytvorca realizuje roznyja prajekty i mierapryjemstvy dla darosłych i dziaciej.
«Kali ludzi starejšaha ŭzrostu razumiejuć važnaść małočnych praduktaŭ, to moładź časta prosta nie zadumvajecca pra jakaść charčavańnia. Adnak pastupova staŭleńnie źmianiajecca — małočnyja pradukty stanoviacca modnymi, — adznačyła namieśnica hiendyrektara kampanii «Savuškaŭ pradukt» Alena Babkina. — Usio bolš studentaŭ i školnikaŭ addajuć pieravahu butelečcy johurta, a nie haziroŭcy. Idei zdarovaha charčavańnia atrymlivajuć šyrokaje raźvićcio siarod moładzi. Tak što praca, jakuju pravodziać dziaržava, vytvorcy i dyjetołahi, daje svaje vyniki».
«Małočnuju akademiju» ŭ Minsku skončyli sotni padletkaŭ, jakim dapamahli kłapacicca pra zdaroŭje i pravilna charčavacca. Školniki daviedalisia pra rolu małočnych praduktaŭ u štodzionnym spažyvańni i sposaby paźbiehnuć prablem z abmienam rečyvaŭ. Majstar-kłasy pravodzili lohkaatletka Alina Tałaj, błohierka Hanna Bond, šef-kucharka Taćciana Nazaruk. Školnikam hatavali małočnyja śniadanki, prapanoŭvali zamacavać viedy ŭ intelektualnych hulniach i zdavolić hoład na «małočnaj stancyi padzaradki».
Kiraŭnictva himnazij zadavolena vynikami. «Farmat «Małočnaj akademii» zrazumieły moładzi i padabajecca joj. Mabyć, adno takoje mierapryjemstva pa efiektyŭnaści moža zamianić usio toje, što za apošnija 9—10 hadoŭ sprabavali danieści na kłasnych hadzinach, raspaviadajučy pra važnaść zdarovaha ładu žyćcia», — adznačyła dyrektar himnazii №11 Minska Volha Bojka.