Rasijskaha nacyjanalista Ciesaka-Marcinkieviča prysudzili da 10 hadoŭ strohaha režymu

30.12.2018 / 14:56

Babuškinski sud Maskvy pryhavaryŭ da 10 hadoŭ kałonii strohaha režymu nacyjanalista Maksima Marcinkieviča, viadomaha jak Ciasak.

Marcinkievič i niekalki jaho paplečnikaŭ z ruchu «Restrukt» paŭstali pierad sudom za akcyi «Akupaj-narkafilaj», padčas jakich jany napadali na mierkavanych narkahandlaroŭ, adzin ź jakich pamior. Ich abvinavačvali ŭ šerahu złačynstvaŭ, u tym liku ŭ razboi, chulihanstvie i pryčynieńni ciažkaj škody zdaroŭju.

U 2017 hodzie Ciasak byŭ pryhavorany da dzieviaci hadoŭ, ale zatym spravu nakiravali na novy razhlad.

Zaraz prysud vynieśli za zabojstva Zaira Ałyšava, u 2014 restruktaŭcy źbili jaho da śmierci za handal spajsami. Sud abaviazaŭ abvinavačanych vypłacić radni zabitaha bolš za 600 tysiač rasijskich rubloŭ (kala 10 tysiač dalaraŭ). Samomu Maksimu dali 9 hadoŭ kałonii, z ulikam staroha prysudu — 10 hadoŭ.