U Brazilii prarvała dambu, kala 200 čałaviek źnikli bieź viestak

Na žalezarudnaj šachcie na paŭdniovym uschodzie Brazilii abrynułasia płacina reziervuara z adkidami. Na dadzieny momant viadoma jak minimum pra dzieviać zahinułych, kala 200 čałaviek ličacca źnikłymi bieź viestak, paviedamlaje VVS.

26.01.2019 / 21:24

Pavodle słoŭ hubiernatara štata Minas-Žerajs, šancaŭ znajści tych, chto vyžyŭ u vyniku stychijnaha biedstva mała.

U vyniku praryvu damby, jakaja strymlivała adkidy, hrazievy patok pachavaŭ pad saboj kaviarniu, dzie abiedali sotni rabočych.

Ratavalniki vykarystoŭvajuć ziemlaryjnyja mašyny ŭ nadziei vyjavić tych, chto vyžyŭ. Pakul niezrazumieła, što vyklikała praryŭ damby, jakoj vałodaje najbujniejšaja ŭ Brazilii hornazdabyŭnaja kampanija Vale.

Na zdymkach ź viertalota, pakazanych miascovym telekanałam, vidać, jak patok brudu źmiataje ŭsio na svajoj darozie.