Праваслаўныя набажэнствы па‑беларуску
у Петрапаўлаўскай царкве і прыходзе іконы Божай Маці Ўсіх Гаротных Радасць на вуліцы Прытыцкага.
24.12.2008 / 10:42
Тацяна Матрунчык, супрацоўніца выдавецкага аддзелу Брацтва Віленскіх пакутнікаў, паведаміла, што ў Петрапааўлаўскай царкве святочная служба ўначы з 6 на 7 студзеня будзе весціся паводле завядзёнкі па‑стараславянску. Але штосуботы ў царкве праводзіцца па‑беларуску споведзь, служба, малебен і паніхіда (пачатак а 7.30 зранку). А штосерады а 17‑й на беларускай мове гавораць малебен за беларускі народ з акафістам пакутнікам Антонію, Іаану і Яўстафію Віленскім.
Акрамя таго, па‑беларуску праходзяць набажэнствы кожную першую суботу месяца ў прыходзе іконы Божай Маці Ўсіх Гаротных Радасць на вуліцы Прытыцкага.