Жудасная гісторыя: у Магілёве педафіл заўважыў, як дзеці скралі ў краме ляльку, і шантажом зацягнуў іх да сябе
20.03.2019 / 18:12
Адбылося ўсё яшчэ ў 2013 годзе ў Магілёве.
У адну з мясцовых крамаў зайшлі дзве дзяўчынкі. Адной было 8 гадоў, другой — 9. Сяброўкі скралі ляльку і вынеслі яе з крамы.
Гэта заўважыў адзін з наведнікаў, 31-гадовы мужчына. Ён пайшоў за дзецьмі і паведаміў, што бачыў іх учынак. Шантажом мужчына заманіў дзяўчатак у сваю кватэру.
Там мужчына згвалціў дзяцей і зняў гэта на відэа.
Пазней яго знайшлі і затрымалі. Дзеянні мужчыны кваліфікавалі як выраб порна і гвалтоўныя дзеянні сэксуальнага характару ў дачыненні да непаўналетніх. Мужчына быў асуджаны на 10 гадоў.