Pad Stolinam złavili matacyklista-biaspraŭnika z 4,8 pramile ałkaholu
26.06.2019 / 17:36
U vioscy Cierabišča Stolinskaha rajona, kala paŭnočy uvahu inśpiektaraŭ DPS pryciahnuŭ kiroŭca matacykła «IŽ Jupiter», jaki ruchaŭsia biez šlema, a sam matacykł byŭ biez rehistracyjnych znakaŭ, paviedamlaje pres-słužba UUS Brestčyny.
U adkaz na patrabavańnie spynicca, matacyklist paskoryŭsia. Ale, trochi prajechaŭšy, kinuŭ matacykł na ziamlu i pačaŭ uciakać.
Pahonia była niadoŭhaj - litaralna praz 30 mietraŭ inśpiektar zatrymaŭ parušalnika. Im akazaŭsia niećviarozy 24-hadovy miascovy žychar.
U chodzie miedycynskaha ahladu ŭstanoŭlena, što ŭ vydychanym pavietry - 4,8 pramile ałkaholu.
Małady čałaviek rastłumačyŭ, što vypivaŭ ź siabrami i na matacykle vyrašyŭ adpravicca dadomu, pry hetym vadzicielskaha paśviedčańnia jon nie maje.
4,8 pramile - anałah 500—700 hramaŭ mocnaha ałkaholu.