Pad Vaŭkavyskam za $6 tysiač pradajecca byłaja sinahoha FOTA
06.08.2019 / 14:17
Na tarhi vystaŭlenaja sinahoha XIX stahoddzia, raźmieščanaja ŭ miastečku Porazava Śvisłackaha rajona, piša realt.by. Startavaja cana abjekta — 12,3 tysiačy rubloŭ.
Fota: Adzinaja sistema elektronnych tarhoŭ.
U techpašparcie pakazana, što budynak byŭ uviedzieny ŭ ekspłuatacyju ŭ 1964 hodzie. Adnak, chutčej za ŭsio, majecca na ŭvazie hod, kali sinahohu, płoščaj u 474,3 kv.m, pieraprafilavali pad skład.
Heta praktyčna adzinaja ŭ Biełarusi sinahoha z butavaha kamienia (usie astatnija - cahlanyja). Pry hetym ni kanalizacyi, ni vadapravoda, ni aciapleńnia z elektryčnaściu ŭ budynku niama.
Kuplać byłuju sinahohu, jakaja naležyć Hrodzienskamu abłspažyŭtavarystvu, pakul nichto nie śpiašajecca.