Google аштрафавалі на рэкордныя $170 мільёнаў за збор звестак пра маленькіх дзяцей праз YouTube
04.09.2019 / 19:11
Кампанію Google абавязалі выплаціць штраф у памеры $170 млн за незаконны збор дадзеных пра маленькіх дзяцей. Пра гэта паведамляецца на сайце Федэральнай гандлёвай камісіі ЗША.
Пракуратура горада Нью-Ёрк і ФГК даказалі, што відэахостынг YouTube збіраў персанальныя дадзеныя гледачоў, якія яшчэ не дасягнулі 13-гадовага ўзросту. Адміністрацыя сэрвісу не запытвала дазвол апекуноў і бацькоў на гэта.
Дзеянні YouTube, які належыць Google, парушалі федэральны закон аб абароне прыватнасці дзяцей у сетцы, вырашылі ў пракуратуры.