ZŠA i Biełaruś viartajuć pasłoŭ paśla dziesiacihadovaha pierapynku
17.09.2019 / 16:53
ZŠA i Biełaruś pryniali rašeńnie pra adnaŭleńnie dyppradstaŭnictva na ŭzroŭni pasłoŭ, paviedamlaje BiełTA
Pra heta siońnia zajaviŭ namieśnik dziaržaŭnaha sakratara ZŠA pa palityčnych pytańniach Devid Chejł na sustrečy z Alaksandram Łukašenkam.
«Ja chacieŭ by pieradać pryvitańnie ad dziaržsakratara, jaki paprasiŭ mianie pryjechać, kab prysutničać na važnym histaryčnym momancie našych dvuchbakovych adnosin. Paśla našaj sustrečy my zrobim abviestku, što budziem abmieńvacca pasłami pa zakančeńni takoj kolkaści hadoŭ biez pasłoŭ», — skazaŭ Devid Chejł.
«My zhodnyja z vami, što toje stanovišča rečaŭ nienaturalna, nienarmalna. I my rady, što heta hłava zakančajecca. My zakryvajem hetu hłavu z pryčyny tych krokaŭ, jakija vaša kraina i vy asabista zrabili. Taksama adznačajem to bačańnie, jakija vy pryniali na ŭzbrajeńnie — bolšaj raznastajnaści jak va ŭnutranych spravach, tak i ŭ adnosinach z navakolnym śvietam. My vielmi mocna padtrymlivajem heta bačańnie i zrobim usio mahčymaje, kab dapamahčy vam na hetym šlachu», — padkreśliŭ namieśnik dziaržsakratara ZŠA.
Jon adznačyŭ, što ZŠA heta robiać nie z metaj spabornictva ź niejkaj inšaj krainaj, a tolki ŭ metach taho, kab patencyjał dvuchbakovych adnosin byŭ realizavany ŭ poŭnaj miery.
«A taksama tamu, što nam vielmi darahi hety rehijon i my vielmi ŭvažliva stavimsia da pahroz biaśpieki. Taksama tamu, što my vielmi mocna padtrymlivajem suvierenitet i niezaležnaść Biełarusi», - dadaŭ Devid Chejł
***
Nahadajem, u sakaviku 2008 hoda, paśla ŭviadzieńnia ZŠA sankcyj u dačynieńni da kancerna «Biełnaftachim», pasoł Biełarusi Michaił Chvastoŭ byŭ adklikany z Vašynhtona dla kansultacyj, a Minsk pa patrabavańni biełaruskaha boku pakinuła pasoł Karen Ściuart. Kolkaść amierykanskich dypłamataŭ u Minsku było skaročana z 35 da piaci supracoŭnikaŭ. A dypłamatyčnyja misii pracavali na ŭzroŭni časovych pavieranych
U 2014 hodzie biełaruski bok dazvoliŭ pavialičyć štat ambasady ZŠA ź piaci da šaści čałaviek, i nieŭzabavie paśla hetaha amierykanskaje dyppradstaŭnictva pašyryła śpis vizavych pasłuh dla hramadzian Biełarusi.
Z 2018 hoda vizy stali vydavacca ŭ Minsku ŭsim achvotnym, ale tady rašeńnie pra viartańnie pasłoŭ nie było pryniataje.