Памятаеце хлопца і дзяўчыну, якія ўцяклі ад бацькоў у лес? Яны зноў збеглі і іх зноў знайшлі ў лесе
18.09.2019 / 15:59
Гэта ўжо другое знікненне падлеткаў за непрацяглы адрэзак часу. У канцы жніўня Дыяна і Яўген уцяклі з Гродна і былі знойдзеныя ў лясным масіве паблізу вёскі Магіляны Бераставіцкага раёна.
Праз некалькі дзён яны зноў зніклі. Спачатку дзяўчына, потым хлопец.
Ад мясцовага жыхара праваахоўнікамі была атрымана інфармацыя пра магчымае месцазнаходжанне непаўналетніх — мужчына нібыта бачыў іх у лесе ля аграгарадка Алекшыцы.
Неадкладна былі арганізаваныя пошукавыя мерапрыемствы, па выніках якіх Дыяна і Яўген былі знойдзеныя і перададзеныя бацькам, паведамляе абласная міліцыя.