Maskoŭski palicejski pačaŭ stralać u kaleh praz chabar u pamiery $31
18.09.2019 / 20:36
U Maskvie palicejski pačaŭ stralać z tabielnaj zbroi pa svaich kalehach, z-za taho što tyja sprabavali zatrymać jaho pry atrymańni chabaru ŭ pamiery dźvie tysiačy rasijskich rubloŭ (kala $31 u ekvivalencie), paviedamlaje Telegram-kanał Baza.
Pavodle kanała, mužčyna vymahaŭ chabar u nielehalnaha mihranta za adsutnaść prapiski.
Incydent adbyŭsia kala stancyi mietro «Razanski praśpiekt». U vyniku adzin supracoŭnik zahinuŭ, a druhi byŭ špitalizavany z ranieńniami.
Strałka zatrymali. Im akazaŭsia 35-hadovy staršy praparščyk.