Mužčyna pradavaŭ ščaniukoŭ miašanych parod jak niamieckich aŭčarak
25.09.2019 / 11:42
USK pa Hrodzienskaj vobłaści rasśledujecca kryminalnaja sprava ŭ dačynieńni da Vasila Stanisłavaviča Tumaša, jakomu pradjaŭlena abvinavačvańnie ŭ ździajśnieńni machlarstva.
Pa dadzienych śledstva, mužčyna pad vyhladam prodažu ščaniukoŭ sabak parody «niamieckaja aŭčarka» ažyćciaviŭ prodaž ščaniukoŭ źmiešanych parod pa canie 100-300 dalaraŭ ZŠA za adnaho. Pry hetym śledčyja majuć źviestki ab tym, što jon zahadzia viedaŭ, što ščaniuki nie adpaviadajuć čystakroŭnaj parodzie.
Dapytanyja ŭ chodzie śledstva pakupniki ščaniukoŭ raspaviali, što pierad praviadzieńniem ździełki ŭ vusnaj razmovie atrymlivali ad mužčyny źviestki pra toje, što jon źjaŭlajecca zavodčykam parody sabak «niamieckaja aŭčarka». Im taksama paviedamlałasia, što ščaniuki mienavita hetaj parody realizujucca i siłavym viedamstvam. Taksama 49-hadovy mužčyna abiacaŭ u vypadku ździajśnieńnia ździełki pieradać dakumienty, jakija pacviardžajuć radavod ščaniukoŭ, adnak hetaha nie rabiŭ.
U ciapierašni čas na terytoryi Hrodzienskaj vobłaści ŭstanoŭlena 250 paciarpiełych. U dačynieńni da mužčyny prymieniena miera strymańnia ŭ vyhladzie zaklučeńnia pad vartu.