Караеў пра заахвочванне Макея да беларускай мовы: «Я згодны. Прымазвацца не буду, але і адмаўляць у памкненні не стану»
08.10.2019 / 20:37
Міністр замежных спраў Уладзімір Макей заявіў сёння карэспандэнту БЕЛТА, што калі мы хочам захаваць нацыю і дзяржаву, то мусім развіваць беларускую мову.
Чытайце: Макей: Калі хочам захаваць нацыю, трэба больш увагі надаваць беларускай мове
У кулуарах «Мінскага дыялога» карэспандэнт «Нашай Нівы» пацікавіўся, ці згодны з калегам міністр унутраных спраў Юрый Караеў
«Канечне! Гэта мова народа, які тут нарадзіўся і жыве. Але без спекуляцый: я ні актыўна прымазвацца не буду, але і адмаўляць такія памкненні не стану. Пытанне ў тым, як гэта адчувае грамадства: калі хоча, то так і павінна быць. Меркаванне грамадства асноўнае, а не мае суб'ектыўныя ацэнкі як міністра ці прадстаўніка іншай нацыянальнасці (Юрый Караеў асецін — Рэд.)», — сказаў Караеў.