Piacihadovy chłopčyk vypaŭ z bałkona 8-ha paviercha ŭ Mikaševičach: jon u reanimacyi
04.11.2019 / 12:13
Niaščasny vypadak adbyŭsia 2 listapada kala 15.20 u adnoj z novabudoŭlaŭ, piša BiełTA.
Dvoje dziaciej piaci i troch hadoŭ hulali doma adny. Baćka ŭ hety čas byŭ na pracy, maci adłučyłasia ŭ kramu. Starejšy z bratoŭ ŭbačyŭ praz akno na vulicy dziaciej. Jon abuŭsia, apranuŭ vierchniuju vopratku i vyjšaŭ na bałkon. Tam stajała kresiełka, na jakoje jon staŭ i vyvaliŭsia z bałkona. Pa słovach maci, bałkonnyja dźviery byli začynieny, ale syn umieŭ jaje adčyniać.
Chłopčyka vyjaviła susiedka, jana ž i vyklikała chutkuju. Zaraz dzicia znachodzicca ŭ reanimacyi.