Зяленскі аб прэзідэнцтве: Вельмі складаная прафесія, забірае ўсе сілы
08.11.2019 / 11:40
Прэзідэнт Украіны Уладзімір Зяленскі паскардзіўся на цяжкасці і стомленасць у сувязі са знаходжаннем на пасадзе кіраўніка дзяржавы.
«Вельмі складаная прафесія, забірае ўсе сілы, час і часам жаданне», — сказаў ён. Па словах Зяленскага, у канцы працоўнага дня ён ператвараецца ў «арганізм», які не хоча ні пра што думаць і нічога рабіць, а таксама не разумее, што кажа сям'я.
Прэзідэнт Украіны паскардзіўся, што ў сувязі з загружанасцю часам забывае пра сямейныя справы і абяцанні, якія ён даваў блізкім.
«Але рашэнне, як кажуць у Радзе, прынятае», — падкрэсліў Зяленскі нежаданне адмаўляцца ад прэзідэнцкай пасады.